مشكلة حجم البيانات في السيارات ذاتية القيادة

وحدة من مشاكل السيارات ذاتية القيادة هي حجم البيانات .
طبعا كبداية السيارات الذكية او ذاتية القيادة يصنفوها خمس اصناف حسب نسبة القيادة الذاتية .
يعني مثلا الصنف الاول تكون القيادة الذاتية فيها بسيطة مثلا تقدم السيارة للامام او للخلف اما الصنف الخامس فمعناه قيادة السيارة وتحركها بالطرق تكون ذاتية ولحد الان للوصول للصنف الخامس هناك عدة تحديات ابرزها البيانات ، شلون ؟
كلما تكون السيارة ذاتية القيادة تماما معناه تحتاج الى حساسات كثيرة وكاميرات عدة عالية الدقة وثلاثية الابعاد ، وكل هذه الحساسات والكاميرات هي مصادر توليد بيانات مستمرة كلما تحركت السيارة ، هذه البيانات يتم معالجتها من خلال نموذج ذكاء اصطناعي كسوفتوير (Reinforcement Learning ( اما الهاردوير فيكون على كارت شاشة GPU ذو مواصفات عالية وهنا تتنافس NVIDIA و AMD بهذا المجال .
المشكلة هذه البيانات وين تتخزن ؟
الخيارات المطروحة اما كل حساس او كاميرا يكون بيها خزن ، او الخيار الاخر تكون خزن مركزي لكل هذه الاجهزة ، والمشكلة الاخرى شلون تنتقل هذه البيانات بين الاجهزة .
بوحدة من الاختبارات وصل حجم البيانات المتولدة من الحساسات والكاميرات خلال يوم واحد الى ١٠٠ تيرا !!!
شركة Seagate المتخصصة بصناعة اجهزة الخزن تقول ممكن تكون كلفة اجهزة الخزن عشرات الالاف من الدولارات وبالتالي ستكون السيارة مكلفة ومعناه فشل هذا المشروع .
حاليا هذه المعضلة مفتوحة للبحث العلمي ،وبنفس الوقت هناك تعاون بين الشركات لحلها فمثلا seagate و IBM و NVidia عدهم مشروع مشترك لطرح حل رخيص وناجح لهذه المشكلة .
للمهتمين الموضوع اعلاه يعتبر من ضمن مجال System on Chip SoC و AI.